كشفت زوجة حسن الأسمر سر عن يوم وفاته
وقالت خلال لقائها مع برنامج “الوسط الفني” الذي يقدمه الإعلامي أحمد عبد العزيز على قناة “الحدث اليوم “ في يوم وفاته كان نازل يصلي ويقابل واحد صاحبه وابنه حاول يروح معاه لكن رفض واتأخر واتصلت عليه قالي أنا بجيب زبادي وجاي”.
وتابعت “وبعد كدا اتأخر واتصلت عليه لقيت التليفون مقفول وكلمني حد قالي إنه في العباسية واتصلت عليه قالي أنا جاي ورجع البيت شغل التليفزيون ولقيت عنيه حمرا وهو كان مهمل في دوا الضغط”.
وأضافت السيدة لبنى “الساعة 6 الصبح لقيته ماسك قلبه وبيجري في الشقة وطلعت بيه على أقرب مستشفى وكلمت مدير أعماله وروحنا مستشفى تانية وكلمت أخواته وعرضت عليه أكلم ولاده يشوفوه رفض”.
وأوضحت زوجة الراحل أن ما تعرض له حسن الأسمر كان بسيب صدمة أن زوجته الأولى كانت رفعت ضده قضية نفقة تطالبه بتسديد مبلغ 480 ألف جنيه وقرار منع من السفر مما عرضه لصدمة كبيرة.
