الرئيس السيسي لجمعيات المجتمع الأهلى: “بشكركم باسمى وباسم كل المصريين”

وجه الرئيس عبدالفتاح السيسي، التحالف الوطني لعمل الأهلي التنموي، بزيادة الاهتمام بكل المزارعين في مصر، قائلا: “الفدان كان بيجيب 12 و 14 أردب قمح ودلوقتي 20 و 22 مع 150 ألف فدان دا قيمة كبيرة جدا.. في المجموع الكبير ممكن يكون أكتر من كده.. والنهارده وإحنا بنتكلم هنبقا مع بعض ومستعدين نتعاون مع الزراعة أكتر”. أضاف الرئيس السيسي خلال المؤتمر الأول للتحالف الوطني للعمل الأهلي: هكلمكم على تجربة أخرى .. بنوفر في المياه والهدر ويقلل السلاسل لما تاخدي حاجتك تديها للجمعية على طول ما فيش وسايط كتير.. والمزارع اللى بيزرع فدان محتاج أكتر”، مشيدا بمبادرات التحالف الوطني بقوله: “كل المبادرات اللى بتتكلموا فيها كله زى الفل ومحل تقدير ودعم مننا لكن الزراعة بالتحديد لها أهمية خاصة”. وتابع الرئيس: “الزراعة في أسوان وسوهاج والصعيد جزء من 350 ألف فدان من القصب، التحالف يستهدف صغار المزارعين، لكن اريد أن استهدف قدراتكم للوصول إلى المزارعين كلهم.. وزارة الزراعة فيها موظفين ما يقدروش يقدوا اللى انتوا بتعملوه.. طيب لو اتعمل فدان قصب بزراعة حديثة يقلل كمية المياه 10 % في 350 ألف فدان .. لو قلتلي بيزود 40 % وقدرتوا توصلوا بالتعاون مع وزارة الزراعة..لأن المزارع بسيب الحاجة في الأرض 5 سنين “. وواصل الرئيس: “نستهدف كل موضوع نتكلم عليه بنقول للناس بصوا وما تستقلش بفدان القصب وشوية التقاوي من 10 أردب إلى 22 أردب ما تستقلش بده، خاصة لو الكلام اللى اتعمل بشكل جمعي وهيستفيد منه كتلة مزارعين في مجال واحد، وبتكلم على القصب تحديدا بالتعاون مع وزارة الزراعة والري. وأكمل الرئيس: “لما اتكلمت على رؤوس الماشية بتقول بنتج 25 كيلو لبن غيرها بيطلع 7 كيلو.. لما اتكلمت فيها كنت بتكلم على الاستهداف بحلم.. حد يقولى ده برنامج يقعد 10 أو 15 سنة.. استمروا في ده واستهدفوا أكبر حجم من ده وإحنا معاكم.. لو عندي فدان قصب كان بيجيب 40 طنا وجاب 50 أو 60 جهد آخر محتاجين نشتغل فيه مع بعض علشان خاطر بلدنا وسعداء باللى انتوا حققتوه وبشكر كل مزارعين مصر”. وقال الرئيس السيسي، إنه على تواصل مستمر ودائم مع منظمات المجتمع المدني، مضيفا: “على اتصال بيكم وبكلم كتير من الكيانات وبنتناقش معاها.. وبسمع زى موضوع التمكين والجمعية اللى بتعملوها. وطمأن السيسي، المواطنين على أوضاع الدولة المصرية وعدم الالتفات للشائعات، قائلًا: “يا جماعة اسمعوا مننا مش علشان إحنا أصدق من غيرنا.. ولكن مدركين لحجم التحدي أكثر من غيرنا، والبيانات والحلول بتبقى مطروحة من الدولة، وبالتالي أي اجتهاد من الآخرين ليس مكروه ولا مرفوض ولكن بيعمل بلبلة ويزعج الناس”. ودعا السيسي، المساهمين في التحالف الوطني إلى مضاعفة الجهود خلال العام الجارى 2023، قائلا: “كنا بنقول عام 2022 إنه عام المجتمع المدني، بس بصراحة ظروف 2023 يمكن تكون محتاجة مننا إحنا نبذل جهد أكتر من 2022، لأن الأزمة اللى بنتكلم عليها أزمة كبيرة ولها تداعيات على العالم كله، ولها تأثير كبير، وبالتالي إذا كانت منظمات المجتمع المدني محتاجة تشتغل وكيان التحالف اشتغل بهمة وضغط كبير خلال 2022 أتصور أن الجهد يحتاج أن يتضاعف هذا الجهد خلال 2023. و وجه الرئيس السيسي، الشكر لجمعيات المجتمع الأهلي العاملة داخل مصر، قائلا: “أوجه التحية والتقدير للجمعيات الأهلية.. ومش اللى جوه التحالف بس.. كل الكيانات التي تعمل في العمل الأهلي.. باسمي واسم المصريين.. اشكركم وإحنا محتاجين هذا الدور”. وأضاف الرئيس السيسي، : “النهارده لما بتكون مؤسسة مجتمع مدني.. بتقوم بدور الحكومة.. مش بتعمله بنفس الكفاءة والاحتراف وإحنا بنعترف بكده.. عندنا 50 ألف جمعية موجودة في مصر.. وكيانات التحالف نحتاج المزيد من الكيانات الأخرى تنضم.. شوفنا الدور المجمع والمحشود والمنسق والمسيطر عليه.. ونتائجه في العروض السابقة على المستوي الاقتصادي والصحي والمستويات الأخرى الاجتماعي.. الجهد المنسق واضح جدا خلال السنة دي”. وتابع الرئيس السيسي: “لازم نشكر كل المساهمين من فضلكم.. سواء من مصر أو خارج مصر.. نوجه لهم التحية ونشكرهم لأن الكلام بيتم من خلال دعم كل إنسان عنده القدرة ومن جوه الخير من خلال القدرة اللى عنده أن المساعدة تصل للناس.. وبالأرقام اللى اتقالت سواء 10 مليارات .. دي أموال متبرعين.. ربنا سبحانه وتعالي يوجه لكم الخير ومحتاجين زيادة”. وانطلق التحالف الوطنى للعمل الأهلى التنموى فى 13 مارس 2022، بمشاركة وعضوية كبرى مؤسسات العمل الأهلي والتنموي في مصر حيث يضم 24 جمعية، ومؤسسة أهلية وكيان خدمي وتنموي. ويقدم التحالف الوطنى للعمل الأهلى التنموى من خلال مؤسساته الشريكة ملحمة إنسانية خدمية متكاملة للأهالى فى القرى الأشد احتياجا، ولعب دورا هام فى مساندة جهود الحكومة فى دعم الفئات المستهدفة من المواطنين والأكثر احتياجا والمتمثلة فى تقديم العينى بأشكال المساعدات الاجتماعية المختلفة للأيتام والأرامل والمقبلات على الزواج ومشروعات التمكين الاقتصادى . وأطلق التحالف عدة مبادرات لتقديم الدعم للفئات الأولي بالرعاية والأكثر استحقاقًا، حيث تعددت جهود التحالف لتشمل تقديم الدعم النقدي والدعم الغذائى والإمداد بالمستلزمات الدراسية، وكان من بين القوافل التي نظمها التحالف قوافل “ستر وعافية” التي جاءت تنفيذاً لتوجيهات الرئيس عبد الفتاح السيسي بدعم الفئات الأولي بالرعاية والأكثر استحقاقاً، وتماشياً مع جهود التحالف الوطني للعمل الأهلي التنموي، وفقاً لخطة الحماية الاجتماعية الخاصة بالتحالف والتي تم وضعها لتقديم الدعم اللآزم للأسر الأكثر احتياجاً بجميع محافظات الجمهورية لتخفيف العبء عليهم وكذلك حدة الآثار السلبية للأزمة الاقتصادية العالمية، والمساهمة في تحقيق أهداف التنمية المستدامة في جميع المجالات وتوطينها بأجهزة الدولة المصرية المختلفة بما يتماشى مع رؤية مصر 2030 يُذكر أن التحالف الوطني للعمل الاهلي التنموي، يشهد مشاركة وعضوية كبرى مؤسسات العمل الأهلي والتنموي في مصر حيث يضم 24 جمعية، ومؤسسة أهلية وكيان خدمي وتنموي، منهم الاتحاد العام للجمعيات والمؤسسات الأهلية والذي يضم في عضويته 30 اتحاد نوعي و27 اتحاد اقليمي، والتي تعمل في مختلف مجالات التنمية على تنوعها من خدمية وصحية وتوعوية، وتعليمية، وعمرانية، وغيرها.