0:00
حلت الفنانة جليلة محمود ضيفة مع الاعلامية ياسمين عز ببرنامج “كلام الناس” عبر قناة mbc مصر وكشفت الفنانة جليلة محمود عن سبب خوفها الشديد من الحسد، مما يجعلها ترفض ظهور أبنائها للناس ،حيث اوضحت أنها فقدت ابنها قبل 24 عاما بسبب الحسد. وقالت جليلة :”عندي ابن راح بالحسد، فلا حابة ولادي حد يشوفهم ولا يعرف عنهم حاجة، ولا اتوجع تاني كده، لأن الوجع مستمر معايا من سنة 1998″.
وتابعت جليلة محمود: “الحسد بيجي في كلمة، كلمة اتقالت وتليفون جالي، ابنك عمل حادثة، محدش شافه، كنت بقول عادي، عندي3 ولاد وبنت، فاتقال لي ما أنتي اللي زيك يجيب ولاد، التليفون جالي، ابني راح كان عمره 18 سنة سنة اوللى كلية تجارة تابعت :” فمبحبش حد يكلمني عن ولادي نهائى ، محبش حد يقولي مين ولادك، محبش أنزل صور لولادي.
وتحدثت الاعلامية ياسمين عز ،وقالت أن فريق الإعداد أخبرها قبل الحلقة أن الفنانة جليلة محمود لا تحب أن يتم سؤالها عن أولادها، وأوضحت: “دايما محبش حد يمشي من عندي زعلان، أنا مفهمتش ليه ومكنتش أعرف أن له علاقة بالحسد.
وردت جليلة : “الحسد مذكور في القرآن، كنت في الأول صغيرة وولادي فرحانة بهم وباخدهم معايا في كل مكان، لكن بدعي ربنا إن ما يوجعنيش تاني ولا يوجعهم، لأن دي أصعب حاجة، يا رب ما حد يشوفها، فعلا دي أصعب حاجة ممكن واحدة تمر بها، الحمدلله على كل شيء وربنا يبارك فيهم “.
واختتمت حديثها: أنا بعتبر إن حياتي وسمعتي ملك ولادي، ولو بصيت لأي طفل وعاجبني لازم أقول الله أكبر، انا حتى خايفة من البصة علشان ولادي، من أول ما خلفت وأنا عندي الإحساس ده ولكن أتصابت مفيش فايدة.
https://youtu.be/6uyyCas8o-k
